MANEKO Y'URWANDA YATSWE Dr Emmaneul Ndahiro IHABWA Major General Karenzi Karake

Kubakunze gukurikira politike yo mu Rwagasabo, reka tubagezeho impinduka mumyanya y'ubutegetsi, mu Rwanda. Nk’uko bigaragazwa n’itangazo rya Perezidansi ya Repubulika ryatangiye gukurikizwa rigisohoka, Perezida wa Repubulika, Paul Kagame akaba n’Umugaba w’Ikirenga w’Ingabo yashyize mu myanya abayobozi ba gisirikare mu nzego z’umutekano. Imyanya imwe n’imwe mu buyobozi bw’ingabo yahawe abayobozi bashya, abandi bahindurirwa imirimo. Muri iyi nyandiko muragezwaho amazina y’abahawe imyanya, ndetse niyo bari basanzwemo.

1. Major General Karenzi Karake yagizwe Umuyobozi w’Urwego Rushinzwe Umutekano w’igihugu (NSS – National Security Services).
Karenzi Karake yari asanzwe ayobora ishuri Rikuru rya Gisirikare ry’I Nyakinama
Uyu mwanya ahawe wari usanzwemo Colonel Dr Emmaneul Ndahiro


2. Brigadier General Richard Rutatina, yashinzwe Iperereza mu gisirikare (Head of J2 - Military Intelligence)
Richard Rutatina yari asanzwe ari umujyanama wa Perezida wa Repubulika mu bya gisirikare)


3. Colonel Dan Munyuza ashinzwe iperereza ryo hanze y’igihugu (Head of External Intelligence in NSS)
Dan Munyuza yari asanzwe akuriye Urwego rw’iperereza rwa Gisirikare (DMI – Departement of Military Intelligence)
Umwanya ahawe wari usanzwemo Lt Colonel Gatete Karuranga


4. Colonel Tom Byabagamba, Umuyobozi muri Minisiteri y’Ingabo ushinzwe kurwanya ibikorwa by’iterabwoba (Head of Counter Terrorism, in MoD/RDF)
Tom Byabagamba yari asanzwe akuriye umutwe w’ingabo zirinda Umukuru w’igihugu (Republican Guard Unit)


5. Captain Patrick Karuretwa, Umujyanama wa Perezida wa Repebulika mu by’umutekano (Defense and Security Advisor to H.E the President of the Republic of Rwanda)
Uyu mwanya ahawe wari usanzwemo Gen Brigade Richard Rutatina


6. Colonel Dr. Emmanuel Ndahiro na Lt. Col. Gatete Karuranga basubijwe muri Minisiteri y’ingabo.
Hejuru ku ifoto:Brig Gen Richard Rutatina na Maj Gen Karenzi Karake

Source

http://www.rwandagateway.org/spip.php?article1170